Pro chie cheret pompiare sos vìdeos e sos àteros cuntenutos multimediales de Youtube, PeerTube, SoundCloud, Bandcamp, e media.ccc.de oe tenet a disponimentu un’aplicatzione noa, in sardu e chi rispetat sa riservadesa de chie l’impreat: NewPipe!
NewPipe est unu leghidore multimediale pro Android, chi no impreat s’API de Google e non tenet bisòngiu de si registrare a noddue. Permitit de sighire canales e de sarvare iscalitas de vìdeos, e fintzas de los iscarrigare intreos o comente documentu sonoru ebbia.
Bidimus comente impostare sa limba sarda:
1 – Iscarrigade NewPipe dae Aurora Droid, F-Droid o dae su situ issoro e installade·lu
2 – Aberide·lu e aberide sa barra de su menù trisinende dae manca a destra o incarchende in su sìmbulu de sas tres linieddas orizontales in artu a manca
3 – Aberide sas impostatziones
4 – Aberide sa setzione de sos cuntenutos
5 – Incarcade s’optzione pro isseberare sa limba pro s’aplicatzione e isseberade su sardu dae sa lista
6 – Serrade e torrade a abèrrere s’aplicatzione
Fatu! Como tenides NewPipe in sardu!
Aplicatziones in sardu 