S’aplicatzione de oe est unu letore de documentos chi permitit de abèrrere formados medas, dae sos PDF a sos formados de sos libros eletrònicos (a es. .epub o .mobi), de sos documentos de LibreOffice o de Office (.odt, .doc, .docx) o de sos fumetos (.cbz, .cbr), e fintzas àteras genias de archìvios (.zip, .html etz.): Librera!
Librera si podet iscarrigare in duas versiones: una cun annùntzios publitzitàrios, dae Google Play, o una versione PRO, chi in Google Play est a pagamentu ma est de badas in Aurora Droid e F-Droid.
A pustis de l’àere iscarrigada e installada, pro l’impostare in sardu sighide custa ghia:
1 – Aberide s’aplicatzione e trisinade dae manca cara a dereta pro abèrrere su menù de sas optziones.
2 – Incarcade in s’optzione de seletzione de sa limba (in ue como b’est seletzionada sa limba de sistema) e isseberade su sardu dae sa lista.
3 – Fatu! Como podides impreare Librera in sardu!
Aplicatziones in sardu 